युद्ध-घोष

  • by

Battle-cry

Ae Bharat Maa,
Shukraguzar hu mai uss khuda ka
Jisne muje tera beta banaya
Jisne teri raksha karne ka avsar mujpe sajaya
Jisne tere dushmano se ladhne ki himmat se muje navaza
Maa, ek aakhri baar galey to laga jaa

Maa tere liye lahoo toh bahayunga
Par usi lahoo se unn dushmano ke maut ka farmaan bhi likh ayunga
Tere iss pak saar zameen par rakhe
Har buri nazar wale ko ye beta mitayega
Apne jaan ki baazi to kabki laga di thi
Tu fikar na kar maa,
Apna tirangaa hamesha ucha hi lehrayega

Bass faryad hai tere unn baccho se
Jo najane kyu bhul gaye tuje samhalna
Hai fakr ki daulat tune kaafi kama li
Par kya ilm hai tuje ke jaagruti tune gava di

Zara mehsoos to karr unn shahido ke jazbaat
Jo kehta rahega sadah tujse cheekh kar
Keval Swatantrata Divas pe apna desh prem na jata
Kuch karr jaa aisa deshhit jo bann jaye ek haseen katha
Apne makhmali chadaro se toh tu nikal
Vatan ko kiye vaade ko karta kyu nahi mukammal

Kyu dikh rahi hai tujme itni bebasi
Yuhi bhula di hamari di hui aahuti
Bandh kar rajneeti ko tu yu kosna
Chalti rahegi kab tak teri ye aalochna
Tadpega dil me rakhe khokle aarzoo
Kya kabhi toley tune apne papo ke tarazu
Na kar tu fikar, hu sarhadh pe mai khada
Unhe bass badha tu hath apna jinse jaata nai aur ladha
Ho uth khada tu todkar apni inn zanjeero ko
Mitakar likh naye tu unn dastooro ko
Jaa chumle falaq ki har uchaiyo ko
Pochkar ye ashq zara bolke toh dekh, Maa tu aur na roo…

Marzi tu barsaa mujpe jitne patthar
Khauf mana ae buzdil
Piche chod aya desh apna Teenso Sattar

Please follow and like us:
1

Leave a Reply

Your email address will not be published. Required fields are marked *